لبنى أبيضار تمدح في الالتراس المغربية.. وهذا ما قالته (+صورة)

آش واقع تيفي/ زينب بومسهولي 

نشرت الفنانة المغربية، لبنى أبيضار، تدوينة عبر صفحتها الشخصية بموقع التواصل الاجتماعي”فيسبوك”، تأكد من خلالها أن الالتراس في المغرب، خاصة ألتراس فريقي الرجاء والوداد الرياضي ، يحتلون المركز الأول عربيا و افريقيا، من ناحية الطريقة التي يشجعون بها، وكذا الأغاني التي يتغنون بها.

وجاء في تدوينتها:”الأولتراس فالمغرب ولا عندهم واحد الوعي وتطور ملحوظ بحال مثلا الوداد آخر ماتش مع مصراوة والأغاني لي تغناو بيهم بينو بلي فهاد الفترة دالويكلو خدمو على راسهم ولا الرجاء تطور كبير بزاف والحملات الإنسانية لي كيديرو وطريقة التشجيع فالفيراجات الى ماخفت نقول بلي المغاربة فهاد الناحية هربو بزاف عربيا وافريقيا ولا مجال للمقارنة معهم كاع”.

وأضافت:”مابقيتيش كتشوف داك الحس العنصري بيناتهم كل واحد كيخدم على راسو ومصلحة بلادو وحتى داك الشغب دالجماهير لي كان مبقيناش كنشوفوه كنتمنى تلوحو شي حبل معاكم لبعض المشجعين د الحسنية جروهم معاكم يلتاحقو بالكوكبة”.

علاقة بالموضوع قالت:” راه مؤخرا شفت واحد الفنانة امازيغية الجميلة نورا الولتيتي ضريفة بزاف والتواضع دخلات تفرج فماتش ديال الرجاء وجاو عندها المعجبين ديالها خداو معاها تصاور فالتيران وناضو بعض المشجعين ديال الحسنية بواحد الشكل ما تم شاي الصراحة تهجمو عليها اويلي اش فيها كاع الى كانت كتشجع الماص ولا الماط ارتاقيو اولاد الناس”.