البوطا دخلات لمختفون و الحكومة في دار غفلون

أش واقع تيفي / البيضاء

من بعد قرار الحكومة باتخاد الحطر الصحي كاجراء وقائي تلاحظ ان عدد البوطات تاع الغاز قلال في معظم احياء الدار البيضاء، و لاحظنا ان عدد كبير من الساكنة هازين البوطات لا من الحجم الكبير ولا البوطة الصغيرة و كايقلبو في كل الاحياء بدون جدوا.

من بعد ما خرج سي رباح الوزير المكلف بالقطاع في تصريح وقال متخافوش البوطة موجودة وغادي تبقا في سوق كالمعتاد لا داعي للقلق ولكن الواقع اليوم في دار البيضاء يؤكد ان البوطا عددها قليل أو شبه منعدمة السبب انو ناس شراتها و خزناتها باعداد كبيرة خايفة أنها تقطع ولكن كان عندها الحق هاهيا تقطعات.

ساكنة الدار البيضاء ليوم كتطالب بتدخل عاجل للحكومة في منع احتكار او المضاربة في هد المادة، فيما اصحاب المحلات كايأكد عدد كبير منهم انو البوطا قليلة و انو الطلب ولا اكبر من المخزون لي عندهم.

التعليقات مغلقة.